അമ്മക്കൊരു ചേലായി – Ammakkoru Chelayi song lyrics

അമ്മക്കൊരു ചേലായി – Ammakkoru Chelayi song lyrics

അമ്മയ്ക്കൊരു ചേലായ് വർണ്ണങ്ങളിലാകെ പൊൻചേല നെയ്യുന്നു സൂര്യൻ
അമ്മയ്ക്കൊരു അഴകായ് പൊൻകിരീടമൊന്നു തുന്നുന്നു പന്ത്രണ്ട് താരകങ്ങളും
പൊൻപാദം പുൽകുന്നീ ചന്ദ്രഗോളവും
പാദുകങ്ങൾക്കതി ശോഭയേകി മേഘശകലവും
നീലാകാശ മേലങ്കിയുമായി സ്വർഗ്ഗീയ രാജ്ഞി വിളങ്ങീടുന്നു

പൊന്നാമ്പൽ പൂ പോലെ വിടരും നിൻ നയനങ്ങൾ ഒളിചിന്നും തൂവെണ്ണിലാവ് പോലെ
വിൺതിങ്കൾ കലയേക്കാൾ പ്രഭയേകുന്നുണ്ടമ്മേ നിൻ ചുണ്ടിൽ വിടരും ചെറുപുഞ്ചിരി പോലും
മാരിവില്ലിൻ ചന്തമാകെ ഒത്തിണങ്ങും പുരികമുണ്ട്
താമരപ്പൂ ഇതള് പോലെ ലോലമാർന്ന കവിളുമുണ്ട്
ഏതൊന്നിനും മേലായി കനിവൊഴുകണ ഹൃദയവുമുണ്ട്

എന്ത് ഭംഗിയാണമ്മയെ കാണാൻ എന്ത് ചൈതന്യമാനാ മുഖത്ത്
സ്വർഗ്ഗ ലോകത്തിൻ സൗന്ദര്യമല്ലേ ഈ മണ്ണിന്റെ സൗഭാഗ്യമല്ലേ

കുളിരേറും രാവന്ന് പൊൻതാരകമെരിയുമ്പോൾ പുൽത്തൊഴുത്തിലീശോയ്ക്കു അമ്മയായ് നീ
ക്രൂശിന്മേൽ ആ ജീവൻ പൊലിയുന്നൊരു നേരത്ത് ഈശോയാൽ ഞങ്ങൾക്ക് അമ്മയായ് നീ
മനസ്സിന്റെ കോണിലെന്നും തെളിയുന്ന നാളമല്ലേ
മിഴികളിലാദ്യമാദ്യം അറിഞ്ഞൊരു സ്നേഹമല്ലേ
എൻ കൈയ്യിൽ നീങ്ങുന്നൊരു ജപമണികളിലുണരുമൊരമ്മേ

Share on WhatsApp

Previous

துரோகங்கள் சூழ்ந்திருக்கையில் - Dhrogangal suzhndhirukaiyil

Next

അത്ഭുതങ്ങള്‍ തീര്‍ന്നിട്ടില്ല - Athbhuthangal theernnittilla