Prabhu prema tholi keka – ప్రభుప్రేమ తొలికేక

Prabhu prema tholi keka – ప్రభుప్రేమ తొలికేక

ప్రభుప్రేమ తొలికేక – హృదయములో ప్రతిధ్వనియించే
పాప క్షమా యేసునిలో- శరణు నొసంగుచు కనిపించే

1. పాపవికారము పొడసూప – జీవిత విలువలు మరుగాయె
ఫలితముగా లోకములో- బ్రతుకుటయే నా గతియాయె
పలువురిలో కనబడలేకా – దాహము తోనే నొంటరిగా
బావికని పయనింపా – నాధుని దర్శన మెదురాయే
పావనుడు దాహముతో – జలమును ఇమ్మని ననుగోరె ||ప్రభు||

2. జాతినిచూడని నేత్రముతో – పాపము శోకని హృదయముతో
జాలిని చాటించుచునే – తాకెను నామది వేదనతో
జాప్యము చేయక తెమ్మనియే – దాచుకొనిన నా పాపమును
జడియుచునే తెలిపితిని – ప్రభు వెరిగిన నా నిజస్థితిని
జయమొందె నాతనువూ – సరిగ నుడితివని ప్రభు తెలుపా ||ప్రభు||

3.దేహమునే నా సర్వముగా – భావించుచు మది పూజింపా
దినదినమూ జీవితమూ – చావుగ మారిన కాలములో
దేవునిగా నా బంధువుగా – మరణ ప్రవాహము ఛేదించి
దరిజేర్చి దీవించి – నూతన జన్మ ప్రసాదించే
దయ్యాల కుహరమును – స్తుతి మందిరముగ రూపించే||ప్రభు||

Prabhu prema tholi keka song lyrics

Share on WhatsApp

Previous

Long time ago in Bethlehem christmas song lyrics

Next

ఆనంద యాత్ర - Aananda Yaathra